قصيدة كتبتها عجوز بعد أن أودعها أبنها في دار المسنين

قصيدة كتبتها عجوز بعد أن أودعها أبنها في دار المسنين
وطالت المدة لثلاث سنوات بدون أن يزورها
ورغم كل هذا كانت القصيدة مليئة برحمه وعطف الأم
الله يخلي لنا أمهاتنا يارب
ويارب تكون هذه القصيدة درس للكثير من الأبناء
ودرس لزوجات الأبناء إل يحرضون الأولاد على عقوق أمهاتهم
والدنيا دوارة

أترككم مع القصيدة

وين أنت يا حمدان أمك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم أشيلك وأداريك . . وألاعبك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك وأداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خسارة بعتني اليـوم وشفيـك .. واخلصت للزوجة وأنا لي شقايـا

أنا ادري أنها قاسيـه مـا تخليـك .. قالت عجـوزك مـا أبيها معايـا

خليتني وسط المصحة وأنا ارجيك .. هذا جزا المعروف وهـذا جزايـا

يـا ليتنـي خدامـة بيـن أياديك .. من شان أشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان أمك توصيـك .. أخاف من تلحق تشـوف الوصايـا

أوصيت دكتور المصحة بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وأمطر تراب القبر بدموع عينيـك .. ما عـاد ينفعـك النـدم والنعايـا

مشكور يا أستاذنا على الموضوع الجميل و إلي يحث على بر الوالدين
و ما قصرت إن شاء الله نشوف مثل هذي القصص للعبرة و العظة ..

مشكور يا استاذي الفاضل على القصة الحلوة

والي مافيه خير لاهله مافي لنفسه وصدقت قلوب قاسية

المهم

للمرة الثانية اقولها مشكور

وتقبل مروري البسيط طالبك نيوتن

ابداع الصراحة واصل يا استاذي

يعيطك العافية يا استاذ

وماشاء الله عليك ماخليت شي عن بر الوالدين

وانشاء الله في ميزان حسناتك

جعله الله في ميزان حسناتك

» قصيدة عن بر الوالدين